قصة واقعية حصلت في ليلة الدخله

اول شي انا وضعت هالقصه
لعرف ماهي ردودكم على مافعله هذا الرجل بعروسه
اليكم القصه ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، وإن الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
والمفاجأة ... ؟؟؟؟؟؟؟؟؟؟
/
\
/
\
يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين

منقول ولكم تحياتي

هههههههه

طيب لو صار عكس مايتوقعون أو حصل خلل في الخطة وترتيبهم في الحضور

لربما أحدثوا فوضى بين الزوجين او تسببوا في الطلاق المبكر

وإذا بتعرف رآي في الموضوع أنا شخصياً عن نفسي ماسويها لو دفعوا مليون ريال

هذه الليلة هي ليلة العمر عن الف ليلة ماضيعها بفلوس

مقلب قوي الله يعين العروسه

أنا أخاف اقول انني ما أسويها لكن ربما تتغير النظرة ساعة التحدي

عدد المساهمات : 104 تاريخ التسجيل : 14/11/2011

ههههههههههههههههههههههاي

صحاب القصه مهايطي بقوه

والله مااسويه هذي اليله احلا ليله في العمر

عمرهم ماتعشم

بس تصدقون فيها ناس ممكن يسوون اكثر من كذا

مرحبا ابو ملاك

يعني ويش يقدرون يسوون أكثر من كذا

» قصص واقعية
» شيلة بدر الحربي حصلت لي شايب بالدار حزني شيله حزينه
» الإعجاز العلمي في ركعتي ليلة الزواج